Miðvikudagur, 16. desember 2009 09:08

 TAK-kona Desembermánaðar

Hvað heitir þú ?  Ásta Árnadóttir

Hvaðan ertu og hvar býrðu ? Ég er frá Reykjavík, en bý núna á Reyðarfirði og búin að búa þar í í 6 1/2 ár

Hvenær ertu fædd ? 5. nóvember 1960

Hverjir eru þínir fjölskylduhagir ? Ég er gift Jóni Grétari Margeirssyni, sem er rekstrarstjóri Byko Reyðarfirði og eigum við 3 börn Magnús Árni sem er 28 ára og er nemandi í Háskóla Reykjavíkur Eiríkur Ingi sem er 17 ára og er nemandi í Verkmenntaskóla Austurlands Ásta Þórey 12 ára og er nemandi í Grunnskóla Reyðarfjarðar

Við hvað starfar þú ? Ég starfa við bókhald á Bæjarskrifstofum Fjarðarbyggð

Ertu búin að ákveða hvað þú ætlar að verða þegar þú verður stór ? Nei ég er alltaf að skipta um skoðun.

Hvað skiptir mestu máli í þínu lífi ? Fjölskylda mín skiptir mig miklu máli og þeirra velferð

Nefndu 3 uppáhaldsstaði á Austurlandi ? Atlavík, Vöðlavík og Reyðarfjörður

Hvað finnst þér vera forgangsatriði í uppbyggingu Austurlands ? Að sem flestir hafi vinnu og góð þjónusta

Ef þú byggir ekki á Austurlandi, hvar byggir þú þá ? Kópavogi

Hvað finnst þér skemmtilegast að gera ? Ferðast, vera með fjölskyldunni og fara út með hundinn minn

Hver er uppskriftin að fullkomnu þriðjudagskvöldi ? Jóga.

Kanntu að dansa ? Nei

Af hverju skráðir þú þig í Tengslanet austfirskra kvenna ? Tækifæri til að kynnast fleiri konum á Austurlandi, svo er margt athyglisvert sem tengslanetið hefur upp á bjóða.