Þriðjudagur, 15. september 2009 00:00

Hvað heitir þú? Jóhanna Björk Guðmundsdóttir  

Hvaðan ertu og hvar býrðu?
Ég er frá Höskuldsstöðum í Breiðdal, en bý núna á Egilsstöðum

Hvenær ertu fædd?
Þann eðaldag 12. febrúar 1956 

Hverjir eru þínir fjölskylduhagir?
Gift Hirti Þór Ágústssyni við eigum synina Atla Vilhelm og Kjartan Ottó. Erum orðin 2 í kotinu. 

Við hvað starfar þú?
Ég vinn á endurskoðunarsviði KPMG á Egilsstöðum. 

Ertu búin að ákveða hvað þú ætlar að verða þegar þú verður stór?
Lífsglöð

 
Hvað skiptir mestu máli í þínu lífi?
Fjölskyldan og vinirnir. 

 
Nefndu 3 uppáhaldsstaði á Austurlandi?
Breiðdalurinn, Atlavík, Svartiskógur.

 
Hvað finnst þér vera forgangsatriði í uppbyggingu Austurlands?
Byggja upp atvinnulífið og þá sérstaklega á svæðunum fjær álverinu. Allt annað kemur ef er næg vinna. 

Ef þú byggir ekki á Austurlandi, hvar byggir þú þá?
Sé ekki fyrir mér að ég búi annarsstaðar en á Austurlandi í nánustu framtíð. 

Hvað finnst þér skemmtilegast að gera?
Ferðast bæði innanlands og utan og vera í góðra vina hópi. 

Hver er uppskriftin að fullkomnu þriðjudagskvöldi?
Byrja á því að fara á Rótaryfund og hitta alla góðu félagana þar, koma síðan heim og segja húsbóndanum frá því hvað hafi verið gaman á Rótaryfundinum, setjast síðan niður og sauma svolítið út og fara síðan snemma að sofa, vinnudagur daginn eftir. 

Kanntu að dansa?
Já, flesta gömlu dansana. 

Af hverju skráðir þú þig í Tengslanet austfirskra kvenna?

Leist vel á hugmyndafræðina á bak við félgagsskapinn og þetta er kjörið tækifæri til að kynnast fólki og öðrum lífsskoðunum, einnig tel ég mig hafa einhverju að miðla.