Laugardagur, 22. maí 2010 10:58

Á nýliðnum aðalfundi vor Hvatningarverðlaun TAK afhent í fjórða sinn. Þau hlaut að þessu sinni Ágústa Arnardóttir á Djúpavogi, en hún hefur á nokkrum árum komið upp hönnunarstofunni Arfleifð sem framleiðir fatnað og fylgihluti úr íslensku hráefni.

Ágústa hafði með sér nokkur sýnishorn af framleiðslu sinni og fengu fundarkonur tækifæri til að skoða varninginn og er ég illa svikin ef einhverjar gera sér ekki ferð á Djúpavog í sumar til að skoða meira. 

Á meðfylgjandi myndum má sjá Ágústu ásamt Auði, fráfarandi formanni og Þórunni, gjaldkera stjórnar. 

Hér má sjá sýnishorn af vörum Ágústu, en hún hyggst opna vinnustofu sína á Djúpavogi formlega þann 17. júní nk.