Fimmtudagur, 06. maí 2010 21:35

TAK-kona apríl mánaðar 2010

Hvað heitir þú? Alma Jóhanna Árnadóttir.

Hvaðan ertu og hvar býrðu? Hef komið víða við en er Húsvíkingur búsett á Egilsstöðum.

Hvenær ertu fædd? 29. janúar 1969.

Hverjir eru þínir fjölskylduhagir? Gift Eiríki Birni Björgvinssyni starfandi bæjarstjóra á Fljótsdalshéraði og á með honum þrjá drengi;  Hákon Bjarnar 4 mánaða, Birni Eiðar 22 mánaða og Árna Björn 13 ára.

Við hvað starfar þú? Móðir í fullu starfi með grafíska hönnun sem aukabúgrein.

Ertu búin að ákveða hvað þú ætlar að verða þegar þú verður stór? Nja... ímynda mér stundum að ég sé komin á áfangastað en kem svo sjálfri mér á óvart. ––Allt hefur sinn vitjunartíma.

Hvað skiptir mestu máli í þínu lífi? Guðsgjafirnar, hamingjan og heilbrigðið.

Nefndu 3 uppáhaldsstaði á Austurlandi? Skógarnir á Héraði, Eiðar og Mjóifjörður.

Hvað finnst þér vera forgangsatriði í uppbyggingu Austurlands? Veggöng milli fjarða og Héraðs.

Ef þú byggir ekki á Austurlandi, hvar byggir þú þá? Nær stórfjölskyldunni.

Hvað finnst þér skemmtilegast að gera? Njóta augnabliksins.

Hver er uppskriftin að fullkomnu þriðjudagskvöldi? Staldra við, finna til þakklætis og gleðjast eins og enginn sé morgundagurinn.

Kanntu að dansa? Ó, já.

Af hverju skráðir þú þig í Tengslanet austfirskra kvenna? Af forvitni.