Miðvikudagur, 18. janúar 2012 08:58

 

TAK kona desember mánaðar 2011 er Erla Jónsdóttir. Hún er frá Neskaupsstað og hefur búið á Egilsstöðum frá 1990. Erla er gift og á fjögur börn á aldrinum 9 til 26 ára.

1. Við hvað starfar þú? Er framkvæmdastjóri Starfsendurhæfingar Austurlands.

2. Hver er menntun þín? Þroskaþjálfi

3. Hvað skiptir mestu máli í þínu lífi? Fjölskyldan og heilsan.

4. Hvað finnst þér skemmtilegast að gera? Vera til, erfitt að forgangsraða.

5. Hver er uppáhaldsstaðurinn þinn á Austurlandi? Erfitt að velja, en Borgarfjörður er mér alltaf kær.

6. Hvað málefni á að setja í forgang á Austurlandi? Samgöngur/jarðgöng til að tengja betur saman íbúa og þjónustukjarna svæðisins.

7. Hvaða bók er á náttborðinu hjá þér? Brakið var að detta á borðið.

8. Hvað vilt þú sjá á dagskránni hjá TAK? Einhvern viðburð eða verkefna sem sameinar konur af öllu Austurlandi, úr öllum stéttum samfélagsins, líka þær sem ekki fylgjast með Takinu á netinu!

Föstudagur, 30. desember 2011 15:05

Fundur í stjórn TAK þriðjudaginn 6. desember 2011 að Dalskógum 5, Egilsstöðum.

 

Fundinn sitja Rannveig Þórhallsdóttir,  Þorbjörg Gunnarsdóttir, Hrönn Jakobsdóttir, Stefanía Kristinsdóttir og Unnur Óskarsdóttir.

1. Viðburðir framundan, Rannveig formaður hefur sótt um styrki vegna kvennaráðstefnu. Einnig hefur hún sótt um vegna upp úr skúffunum í Vaxtasamning. Námskeið fyrir konur í stjórnun, Stefanía upplýsir okkur um að KPMG hefur verið að halda samskonar námskeið og ætlar Stefanía að heyra í forsvarsmönnum námskeiða þar hvort hægt verði að halda sameiginlegt námskeið fyrir konur á vegum TAK og KPMG, við ætlum að auglýsa  námskeiðið í námsvísi ÞNA. Desember viðburður fellur sjálfkrafa niður þar sem margir kvennahittingar hafa verið í haust á svipuðum nótum og við hugsuðum okkur. Hugsanlega verðum við með góugleði þegar líður á góu.
2. Kona mánaðarins valin eins og venja er, kona mánaðarins er Erla Jónsdóttir hjá Starfa. Rannveig mun hafa samband við hana.
3. Styrkir. Upp úr skúffunum er á sínu róli, Stefanía mun hafa samband við fólk á listanum fyrir 15. janúar.
4. Ýmis önnur mál: árshátíð okkar komi til á nýju ári, tillögur um það sem við röðum á viðburðardagatal fyrir vorönn, útivistardagur á nýju ári, góugleði 24. febrúar þar sem við leikum okkur saman og eigum góða stund á góðum stað. Nokkrar tillögur féllu um það sem okkur langar að gera og hvar við getum verið.  Tillögur um að búa til lista yfir konur sem hægt verði að sækja til okkar ef einhver þarf að fá kynningar af einhverju tagi. Einnig að gera lista yfir skrif kvenna, lista yfir konur sem geta verið með einhverjar kynningar,  lista yfir konur sem eru í stjórnum og eru til í að taka sæti í stjórnum félaga. Heyra þarf Tótu varðandi heimasíðuna. Skoða þarf skráningar kvenna í TAK og hvernig það berst til okkar í stjórn. Næsti fundur ákveðin  þann 3. janúar.

Fleira ekki tekið fyrir fundinn ritaði Unnur Óskarsdóttir.

Föstudagur, 25. nóvember 2011 12:47

Kristbjörg Jónasdóttir er fædd á Eskifirði og býr á Egilsstöðum, gift, á þrjú börn og tvo hunda.

1. Við hvað starfar þú? Verkefnastjóri hjá Nýsköpunarmiðstöð Íslands á Austurlandi
.
2. Hver er menntun þín? MSc í Alþjóðaviðskiptum og fjármálum.
3. Hvað skiptir mestu máli í þínu lífi? Fjölskyldan mín.
4. Hvað finnst þér skemmtilegast að gera? Allar íþróttir og útivist.
5. Hver er uppáhaldsstaðurinn þinn á Austurlandi? Allt Austurland er í uppáhaldi hjá mér, endalaust fallegir staðir.
6. Hvað málefni á að setja í forgang á Austurlandi? Að stofna „local“ sjóði fyrir frumkvöðla sem vilja stofna eigin fyrirtæki.
7. Hvaða bók er á náttborðinu hjá þér? Sænskur krimmi.
8. Hvað vilt þú sjá á dagskránni hjá TAK? Finnst TAK standa sig vel.

Þriðjudagur, 08. nóvember 2011 20:27

Konur á Austurlandi!

TAK og Gistiheimilið Álfheimar bjóða upp á vellíðunarhelgi 18.-20. nóvember á Borgarfirði eystra.

Boðið verður upp á yoga, gönguferðir, nudd, cranio, heilun, nálastungur og kynningar.

Skráning og nánari upplýsingar um verð og dagskrá gefur Þórey í síma 868-1689 og Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.